कतार जान मानेन !

यसपाला ज्यादा पानी परेका ले
पिर छ मेरी आमालाई
कतै खेतमा रोपिएको
धानको वेर्ना मर्छ कि भनेर
आखिर खुवाउनुछ त्यही धानले
आफ्ना वचेराहरुलाई
पुर्याउनुछ वर्ष भरी
किनकी मेरो आमाको छोरो
आमाको दुख मेटाउन
कतार जान मानेन ।

हेरक दिन एरपोर्टवाट
काठका वाकसहरुमा
तल्लाघरे हरि ठुले र श्यामे
प्याक भएर आएको पनि देखेको छ
आमाको छोरोले ,हो त्यही डरले
आमाको छोरो
आमाको दुख मेटाउन
कतार जान मानेन !

कतार नै गएर राजुले
घर घडेरी जोडेको पनि उसले नदेखेको हैन
कालीले सुनको चुरा र सारी फेरको पनि नदेखेको हैन
तर पनि केही सम्भावनाहरु मनमा पालेर
आशाको दियोहरु वालेर
वसेको छ आमाको छोरो
आखिर यही पनि त केही होला
विदेशमा वगाउने पसिनाले
यही त केही उम्रला
यही सोच्दै वसेको छ आमाको छोरो
यही केही गर्ने आशामा
हो त्यसैले आमाको छोरो
कतार जान मानेन !